Sýndarveruleiki í kennslu

Forritin sem mest hefur verið unnið með í tengslum við rannsóknina eru Wander, Tilt brush og Multi brush. Gerði rannsakandi lista þar sem kostir og gallar voru settir upp ásamt almennri umfjöllun um hvert forrit og má finna hér neðar. Meðal þeirra forrita voru t.d.:

First steps sem er forrit sem hjálpar nemendum að læra á fjarstýringuna með gleraugunum og hvernig sýndarveruleiki virkar;

Cubism sem er forrit þar sem nemendur vinna með rýmisgreind og virkar þannig að ákveðnum kubbum er raðað inn í þrívítt mót og þeir verða að smella saman til að geta haldið áfram;

Now is the time er forrit sem fjallar um Martin Luther King og sögulegt samhengi varðandi réttindabaráttu þeldökkra Bandaríkjunum; 

Anne Frank House er upplifun af húsi Anne Frank frá seinni heimstyrjöldinni;

Noda er hugarkortaapp sem gefur möguleika á að vinna með hugarkort (e. mindmap) í þrívídd og setja inn myndir og vinna fleiri saman að sama hugarkorti. Fleiri forrit voru einnig nýtt einungis til skemmtunar og gamans en gefa góða möguleika á að þjálfa hreyfingu, viðbragðstíma og læra á að vinna með sýndarveruleika.

Wander tengist leitarforritinu Google maps þar sem hægt er að fara hvert sem er í heiminum þar sem Google maps hefur tekið upp og sjá hvernig er umhorfs þar. Hægt er að velja götuheiti eða skrifa nafn byggingar og þá flytur forritið nemanda á þann stað. Slíkt getur verið spennandi í samhengi við listasögu og þá sérstaklega í kennslu á byggingarstílum þar sem hægt er að skoða byggingarnar frá mismunandi sjónarhornum og töluvert dýpri reynsla og annað að skoða byggingar í þrívíddargleraugum en að skoða myndir af þeim á skjá. En forritið Wander gefur einnig möguleika á að fara inn í einhver söfn til að skoða listaverk og er kominn góður listi yfir söfn sem hafa þennan möguleika. Í því samhengi er Spánn frekar framarlega í tækninni og býður upp á innlit í mörg söfn í gegnum Google maps og því hægt að fara þangað í sýndarveruleikanum. Verkefni þar sem Wander er notað í sjónlistum hjá 4. bekk sem tengist rómönskum og gotneskum byggingarstíl má sjá hér. 

Tilt brush reyndist vera forrit sem gefur mikla möguleika á sköpun þar sem hægt er að búa til sýndarheim með teikningu inn í þrívíðan heiminn ásamt forritinu Gravity sketch, sem er einnig þrívíddarforrit. Eftir skoðun og rannsóknarvinnu er hægt að vinna að sömu teikningu innan beggja forrita, það er, að flytja á milli forrita en þar sem ekki eru sömu stillingar geta einhverjir eiginleikar dottið út á milli forrita. Tilt brush forritið var því meira þróað og mikið af efni til á netinu því til stuðnings, kennsluleiðbeiningar og annað frá bæði sérfræðingum og áhugafólki. Því ákvað rannsakandi að nota það forrit fyrir verkefnavinnuna.

Painting VR er farið inn í skemmu sem hefur aðstöðu fyrir listamann, með striga, málningu og ýmsum verkfærum þar sem er hægt að blanda alla liti, ýmsa áferð með pensli, blýanti, penna og fleiri möguleikum. Í því forriti er hægt að vista myndirnar sem málaðar eru og hengja þær upp í skemmunni, sem er stór salur eða skemma með veggjapláss til að hengja upp.

Kingspray graffiti VR er leikur þar sem hægt er að búa til graffiti listaverk. Sniðugt í tengslum við stafateikningu í framhaldi af 3D teikningu á stöfum.

Þegar leið á rannsóknina komst höfundur að því að Tilt brush er forrit þar sem nemendur geta eingöngu unnið einir í. Það býður ekki upp á samvinnu. Hins vegar höfðu framleiðendur Tilt brush einnig þróað forrit sem býður upp á samvinnu sem virkar nákvæmlega eins og Tilt brush nema það býður upp á að búa til herbergi þar sem aðrir geta komið inn í og kallast það forrit Multi brush. 

Star Chart er forrit þar sem hægt er að ferðast, skoða stjörnur og plánetur í himingeimnum og sjá stjörnumerki út frá staðsetningu stjarnanna.

Titans of Space er annað forrit þar sem hægt er að ferðast um sólkerfið og læra um stjörnur og plánetur, allt með enskum texta og tali.

Apollo 11 er upplifun af ferð til tunglsins þar sem hægt er að upplifa umhverfið sem geimfari og fræðst er um sögu geimferða.

Ecosphere er forrit þar sem hægt er að skoða nokkra hluta heimsins og fræðast um menningu og þjóðir. Ítarleg myndbönd og upplýsingar sem hægt er að hlaða niður eru inni í appinu. 

Einnig skoðaði rannsakandi lítillega forrit sem aðrir kennarar gætu nýtt sér sem heita Ocean Rift, Moss og Human Anatomy VR.

Dalvíkurskóli tók einnig þátt í Erasmus+ verkefnið þar sem verið var að móta námsefni fyrir tölvuleiki og sýndarveruleika og má sjá á hlekk hér fyrir neðan.