Kynning á leirmótunarnámskeiðum

Mar 23, 2025

2 min read

Updated: Aug 15

Ég starfa við kennslu sjónlista/myndmenntar í Lundarskóla á Akureyri og hef kennt í grunnskóla síðan 2009. Ég hef unnið með leir og leirmótun síðan ég sjálf var í grunn- og framhaldsskóla. Þegar ég hóf meistaranám í kennslu list- og verkgreina 2021 ákvað ég að finna leiðir fyrir mig að vera ákveðnari í minni eigin listsköpun. Leirinn er sá listmiðill sem ég hef alltaf snúið til aftur og aftur og ég finn mína útrás þar fyrir sköpun. Undanfarin 5 ár hef ég sjálf mikið unnið við leirrennslu og farið á fjölda námskeiða til að dýpka þekkingu og bæta við reynslu mína, bæði hérlendis og erlendis.

Ég hef margra ára reynslu í kennslu nemenda á grunnskólaaldri í list- og verkgreinum og mín áhersla er á myndlist/sjónlistir, en hef kennt myndlist, textíl, hönnun og smíði. Síðustu tvö ár hef ég haldið fjölbreytt námskeið í leirmótun og leirrennslu á vinnustofu minni í Gránufélagsgötu og í Samlaginu - Sköpunarverkstæði.

Ég býð upp nokkur mismunandi námskeið á vinnustofu minni á Þúfu 46, sem er í Gránufélagsgötu 46, Akureyri.

Hér er hlekkur á skráningu á námskeið

Laugardagsnámskeið:

Eitt skipti í handmótun í steinleir

Hægt að gera 1-2 hluti, mála og skreyta með leirlitum og undirglerung.

Hlutirnir brenndir og glerjaðir með glæru eða lit að eigin vali og hægt að sækja u.þ.b. 1-2 vikum seinna.

Kennt á laugardögum/eða eftir samkomulagi

9:00-13:30 - eða eftir samkomulagi.

Hámarksfjöldi 12

Verð 16.000 kr.

Kynning á leirrennslu - 2 skipti

Tvö skipti í leirrennslu. Farið yfir grunnatriði við leirrennslu og afrennslu í fyrra skiptið gert 1-2 hluti og málað með glerungum í seinna skiptið.

Yfirleitt kennt fimmtudagskvöld 19-21 og sunnudagsmorgunn 10-11/12.

Hámarksfjöldi 4

Verð 16.000 kr.

4 vikna námskeið í leirmótun:

Farið yfir grunnaðferðir í handmótun með leir, fjölbreyttar aðferðir til skreytingar, einfalda aðferð við gerð diska með leirrennslu og glerjun með glerungum (1222*).

Kennt sem 4 vikna námskeið, 3 klst. í einu - Samtals 12 klst.

Virkur dagur kl.18:00-21:00

Hámarksfjöldi 12

Verð 34.000 kr.

Helgarnámskeið í micro-raku:

Handmótaðir litlir hlutir í nokkrar mismunandi tegundir af leir, þurrkað og brennt samdægurs. Glerjað og brennt með microkiln (pottur í örbylgjuofn) næsta dag og notað raku brennslu til að fá sérstaka áferð á munina. Þessi aðferð er tilraunakennd og oft óútreiknanleg en gefur skemmtilega möguleika.

Samtals 10 klst.

Kennt laugardag og sunnudag

9:00-14:00

Hámarksfjöldi 10

Verð 30.000 kr.

Leirrennsla:

Námskeið í leirrennslu fyrir byrjendur. Kennt grunnaðferðir við leirrennslu og afrennslu. Glerjun u.þ.b. viku seinna.

Samtals 12 klst.

Kennt laugardag, sunnudag

9:00-14:00

Laugardagur (glerjun)

10:00-13:00

Hámarksfjöldi 4

Þetta er einnig kennt sem 4 vikna námskeið 3 klst í einu.

Verð 34.000 kr.

Framhaldsnámskeið fyrir byrjendur í leirrennslu.

Námskeið í leirrennslu fyrir þá sem hafa komið á byrjendanámskeið þar sem farið er yfir grunnaðferðir og unnið flóknari form, meðal annars að renna aðeins stærri form, lokuð form, kynnst sgraffito, útskurð í leðurharðan leir og fullunnið hluti áður en þeir fara í brennslu.

Kennt sem 6 skipta námskeið 4 klst. í einu. Samtals 24 klst.

Hámarksfjöldi 4

Verð 52.000 kr.

Myndir af laugardagsnámskeiði: